Oppdragsdokument 2025 Helse Vest RHF

Hovudmålet til regjeringa er å vidareutvikle og styrkje den felles helsetenesta vår og motverke sosiale, geografiske og økonomiske helseforskjellar. Det overordna målet regjeringa har for helse- og omsorgspolitikken, er: • god helse og meistring i befolkninga, uavhengig av sosial bakgrunn • gode pasientforløp og rask tilgang til tenester i heile landet • helse- og omsorgstenesta er ein attraktiv arbeidsstad i eit livslangt karriereløp • berekraftig og rettferdig ressursbruk • helse- og omsorgssektoren er førebudd i møte med kriser og katastrofar Helse Vest RHF har ansvar for at befolkninga i regionen får tilgang til spesialisthelsetenester slik dette er fastsett i lover og forskrifter. Dette skal skje innanfor dei ressursane som blir stilte til rådvelde i oppdragsdokumentet, pkt. 5 Tildeling av løyving. Departementet viser til Stortinget si behandling av Prop. 1 S (2024–2025).