Årsrapport
Årsrapport Barneombudet 2023
I mitt siste år som barneombod har eg lagt stor vekt på korleis barnerettane etter Grunnlova og barnekonvensjonen i praksis blir følgde opp av myndigheitene. Det er grunnlovfesta at det beste for barnet skal vere eit grunnleggjande omsyn ved alle avgjerder som har konsekvensar for barn, både på individ- og systemnivå. Vi har hatt mykje dialog med sentrale departement og direktorat for at omsynet til det beste for barnet skal bli betre innarbeidd i utgreiingsarbeidet i staten. I 2024 vert rettleiinga til utgreiings- instruksen endra til å inkludere barn. Eg er svært nøgd med at dette no kjem på plass før eg avsluttar åremålet mitt.