Kudos
Kunnskapsdokumenter i offentlig sektor

Statusrapport

Oppsummering av tilstandsutvikling i sprøytebetong som bergsikring i ulike tunnelmiljø Etatsprogrammet Varige konstruksjoner 2012-2015

Denne rapporten dokumenterer tilstandsutviklinga i våtsprøyta stålfiberarmert sprøytebetong i eit utval representative tunnelar i ferskvassmiljø, svakt svovelsurt miljø, alunskifermiljø og undersjøisk miljø. Undersøkingane omfattar strukturanalyse med mikroskopering av tynnslip og standard betonganalyse. Nedbryting er registrert i både undersjøisk- og alunskifermiljø, medan sprøytebetong i ferskvassmiljø stort sett er upåverka. Stålfiberen er i stor grad intakt også i aggressive miljø. Dei viktigaste årsakene til nedbryting er sulfat- og syreangrep i alunskifermiljø og eit kombinert angrep av biofilm og salt grunnvatn i undersjøisk miljø. Inntrenging av aggressivt vatn på heftsona fører ofte til stort omfang av nedbryting, særleg i sprøytebetongsjikt tynnare enn 100 mm. Restlevetida er vanskeleg å stipulere fordi nedbrytinga er styrt av komplekst samspel av vasskjemi, hydrogeologi/ bergmasseeigenskapar, forhold i tunnelrommet m.m. Undersøkingane har gitt grunnlag for å spesifisere minimumstykkelse på 100 mm for sprøytebetong i aggressive tunnelmiljø.