Årsrapport
Årsrapport Norec 2023
Verda var i 2023, og er i dag, prega av uro, konflikt og geopolitiske spenningar. Men verda har også menneske – faktisk mange menneske og organisasjonar – som jobbar aktivt med å bygge tillit, auke kunnskap, redusere spenning og førebygge konflikt. Eit ønske om å investere i og bygge kompetanse hos desse menneska og organisasjonane er grunnen til at Norec finst. Enkelt forklart er samfunnsoppdraget til Norec å investere ressursar i å bygge gjensidig tillit i globale partnarskap for berekraftig utvikling.