Integrering i distriktskommuner ein kunnskapsstatus om integreringsprosessar og inkluderingstiltak i distriktskommunar

Denne kunnskapsoppsummeringa ser nærare på integreringsprosessar og inkluderingstiltak i distriktskommunar. Rapporten peikar på at innvandring kan representere eit uutnytta potensial for mange bedrifter, næringsliv og kommunar rundt om i landet. Flyktningar, familiesameinte og arbeidsinnvandrarar er med på å sette sitt preg på samfunnsutviklinga på nasjonalt nivå. Også på lokalt nivå rører innvandring ved sentrale delar av samfunnsutviklinga: det kulturelle mangfaldet i kommunane blir større, private og offentlege verksemder får auka tilgang på arbeidskraft. For å oppnå inkludering og mangfald i distriktskommunar, så trengs det oppdatert kunnskap. Denne rapporten presenterer relevant kunnskap innan området, og skisserer på bakgrunn av dette nokre problemstillingar som vi treng meir kunnskap om.