Kudos
Kunnskapsdokumenter i offentlig sektor

Studie

NAVs Bedriftsundersøking 2022 – Stor mangel på arbeidskraft NAV-rapport nr. 2-2022

NAVs bedriftsundersøking kartlegg etterspurnaden etter og mangel på arbeidskraft, både fylkesvis, innanfor den enkelte næring, og for enkeltyrker. Våren 2022, i månadane etter at dei siste korona-relaterte smitteverntiltaka vart fjerna, har me på bakgrunn av verksemdene sine svar estimert mangelen på arbeidskraft til 70 250 personar. Dette er 24 250 fleire enn i 2021. Mangelen på arbeidskraft er størst innan helse- og sosialtenester, etterfylgt av bygge- og anleggsverksemd samt eigedomsdrift, forretningsmessig og fagleg tenesteyting. Overnattings- og serveringsverksemd og bygge- og anleggsverksemd har den strammaste arbeidsmarknaden, målt som forholdet mellom mangelen på arbeidskraft og ønska sysselsetting. Enkeltyrka med størst mangel er helseyrker som sjukepleiarar, helsefagarbeidarar og spesialsjukepleiarar. I tillegg er det stor mangel på mellom anna tømrarar og snekkarar, kokkar og programvareutviklarar. Prosentdelen verksemder med alvorlege rekrutteringsproblem er størst innan helse- og sosialtenester, etterfylgt av produksjon av maskiner og utstyr. Det er høgast prosentdel verksemder med alvorlege rekrutteringsproblem i Nordland, etterfylgt av Møre og Romsdal. Prosentdelen er lågast i Agder.