E39 Rogfast : tunnelventilasjon og luftkvalitet Tunnelventilasjon og luftkvalitet
Rogfast er ein 26,7 km lang undersjøisk dobbel-tunnel som er under planlegging på E39 mellom Randaberg og Bokn i Rogaland. Tunnelen går ned til 392 m under havet. Frå Kvitsøy blir det ein 4 km lang tunnel ned til eit kryss om lag midt i tunnelen, ca. 270 m under havnivå. Tunnelen får langslufting med trafikkretninga. Det blir avtrekk av brukt luft og inntak av frisk luft gjennom tre doble sjakter. Ventilasjonsanlegget blir dimensjonert for ein maksimal trafikk på 750 køyretøy/time i kvar retning i 2025. Rapporten inneheld ei orientering om ventilasjonsprinsipp, luftkvalitet og utslepp av eksos. Låg bergtemperatur og fuktig luft kan medføre kondensproblem i sommarhalvåret. Aktuelle tiltak må vurderast ved detaljprosjektering av tunnelen.
Publisert
Eier
Statens vegvesen (SVV)
Forfatter
Gunnar Lotsberg
Språk
Norsk (bokmål)