Kudos
Kunnskapsdokumenter i offentlig sektor

Evaluering

Árvvoštallat gealboguovddáža dárbbu meahcástanealáhusaid várás

Dán guorahallama mandáhtta lea leamaš árvvoštallat meahcástanealáhusaid várás gealboguovddáža dárbbu. Lotnolasealáhusaid ja sámi mátkkoštanealáhusaid árvvoháhkanprográmma badjebajit mihttun lea lasihit árvoháhkama innovatiivva lotnolasealáhusaid ja sámi mátkkoštanealáhusaid vuoruhemiin ja ovdánahttimiin. Meahcástanealáhusaid ovdánahttima mihttun lea lasihit árvoháhkama sámi guovlluin meahccebuktagiid buorebut ávkkástaladettiin. Sámi máilmmis ii leat áibbas čielga erohus gaskal ealáhusa ja biebmolasi/áiggegolu/vuoiŋŋasteami meahcásteami oktavuođas. Sámi doaba meahcásteapmi gokčá eanaš goappašiid doahpagiid, ja sáhttá muhtin háviid dagahit boasttoáddejumiid dasa makkár mearkkašupmi ain adnojuvvo utmarksnæring doahpagis. Mii leat deattuhan ahte meahcástanealáhus dat galgá leat vuođđun gealboguovddážii ja lea dulkon meahcástanealáhusa doahpaga ná: “Ealáhus mii ávkkástallá meahcceriggodagaid ráhkadan ja vuovdin dihte dihto meari buktagiid ja bálvalusaid ja main dinešii muhtin áigge geahčen. ”